-
16
Jul
2010
Estas medidas van encamiñadas a reactivar o sector da vivenda, favorecer a rehabilitación e fomentar a competencia hipotecaria
A Xunta renunciará a subir un punto o imposto de transmisións patrimoniais que debería de subir porque subiu o IVE
Rebaixará entre un 33 e un 25% o imposto de actos xurídicos documentados para vivendas que se adquiren por primeira vez e na mesma porcentaxe o imposto de actos xurídicos documentados na formalización dos préstamos das hipotecas
Baixará un 15% o imposto de transmisións patrimoniais para a compra de vivendas que vaian ser obxecto de rehabilitación ou reforma
Aplicará o imposto cero de actos xurídicos documentados para cambiar unha hipoteca de tal xeito “que calquera galego que teña unha hipoteca neste momento e queira cambiar de entidade financeira poderao facer sen pagar impostos”
“Imos tentar xerar máis confianza”, asevera Feijóo, remarcando que “unha rebaixa selectiva de determinados impostos reactiva a economía e incrementa a recadación e pensamos que de subir impostos xa é suficiente”
Amósase convencido dos beneficios destas medidas xa que a primeira rebaixa fiscal dos impostos que gravan a adquisición de vivendas para menores de 36 anos e familias numerosas acometida polo Goberno galego deu resultado, xa que se incrementaron as transaccións nestes colectivos nun 10%
“Hoxe pechamos a segunda rebaixa fiscal que comprometemos no debate do Estado da Autonomía. Unha rebaixa fiscal que ten como obxectivo reactivar o sector da vivenda, favorecer a rehabilitación das vivendas usadas e fomentar a competencia hipotecaria”. Así o salientou onte o presidente galego, Alberto Núñez Feijóo, na rolda de prensa tras o Consello da Xunta, que aprobou o proxecto de Lei de medidas tributarias no imposto sobre transmisións patrimoniais e de actos xurídicos documentados para a reactivación do mercado da vivenda, da súa rehabilitación e do seu financiamento, xunto con outras medidas tributarias que permitirán un aforro medio de 2.000 euros na adquisición dunha vivenda tipo en Galicia, que beneficiarán a máis de 90.000 persoas ao ano e terán unha vixencia temporal ata o 31 de decembro de 2011.
Segundo explicou o titular da Xunta, poranse en marcha cinco medidas fiscais: a primeira, dixo, “a renuncia, por parte da Xunta, de subir un punto o imposto de transmisións patrimoniais, que debería de subir porque subiu un punto o IVE”; a segunda, unha rebaixa “de entre un 33 e un 25% do imposto de actos xurídicos documentados para vivendas que se adquiren por primeira vez que tributan o 0,5 e outras que tributan o 0,7”; a terceira, “diminuír na mesma porcentaxe, entre un 33 e un 25%, o imposto de actos xurídicos documentados na formalización no préstamos das hipotecas”; a cuarta medida, “unha baixada do 15% para a rehabilitación de vivendas”; e a última medida, “o imposto cero de actos xurídicos documentados para cambiar unha hipoteca” de tal xeito, argumentou Feijóo, que “calquera galego que teña unha hipoteca neste momento e queira cambiar de entidade financeira poderao facer sen pagar impostos”.
Seguindo un modelo económico
“As medidas que acabamos de adoptar son unha mostra do noso modelo económico”, aseverou o mandatario galego remarcando que “pensamos que unha rebaixa selectiva de determinados impostos reactiva a economía; que unha rebaixa selectiva de determinados impostos incrementa a recadación; e pensamos que, de subir impostos xa é suficiente”.
“Imos tentar xerar máis confianza”, incidiu lembrando que isto significa “pechar un exercicio orzamentario cumprindo a lei de estabilidade orzamentaria; significa planificar a economía cun plan económico para os próximos catro e dez anos; e xerar máis confianza significa baixar impostos”.
“Estamos, polo tanto, buscando os tres efectos desta rebaixa fiscal: o primeiro, un aforro medio da adquisición dunha vivenda tipo en Galicia de 2.000 euros; o segundo, incentivar a rehabilitación das vivendas baixando os impostos; e terceiro, imposto cero para aquelas persoas que queiran cambiar a súa hipoteca de entidade financeira”, enfatizou.
Inxectar liquidez ás familias e restaurar a confianza dos consumidores
“A decisión da Xunta de Galicia está clara: inxectar liquidez ás familias e restaurar a confianza dos consumidores”, abondou o xefe do Executivo autonómico lembrando que a situación actual xeneralizada é de “caída da demanda na adquisición de vivendas e dunha enorme dificultade no acceso ao crédito”.
Estas medidas son boas “para o que adquire unha vivenda, para o que intenta vender unha vivenda e para os sectores profesionais, sen dúbida, e o que estamos aquí é cuestionando incentivar a mobilización cun mercado que está atascado e incentivando que aquelas persoas que teñen posibilidade económica merquen, porque iso supón incremento do consumo, tanto en mobles como en cociñas e en todo o que significa equipamento do fogar. Polo tanto, o que estamos tentando dalgunha forma, a través desta medida, é incentivar o consumo e que esta sexa neutra fiscalmente para a comunidade autónoma”, explicou Feijóo ao respecto.
O presidente da Xunta amosouse confiado nos beneficios destas medidas xa que, dixo, “a primeira rebaixa fiscal dos impostos que gravan a adquisición de vivendas para menores de 36 anos e familias numerosas” acometida polo Goberno galego “deu resultado, xa que se incrementaron as transaccións destes dous colectivos nun 10%”.
“Con estas medidas estamos convencidos de que estamos axudando a un sector que ten miles e miles de persoas en paro e axudando a un dereito que é o dereito a unha vivenda digna que está protexido na Constitución”, concluíu.
Fonte: Xunta de Galicia
Comentarios: 0 Comentarios
Quizás también te interese:
- Feijóo anuncia que o Consello da Xunta aprobará mañá a supresión do 50% dos impostos autonómicos que gravan a adquisición de vivenda para familias numerosas e menores de 35 anos
- A Xunta asegura que a primeira quincena de xuño se aprobará a Lei para a rebaixa do 50% dos impostos autonómicos que gravan a adquisición de vivenda, unha vez que conte co informe do Consello Económico e Social
- Feijóo compromete 400 millóns de inversión directa nos próximos catro anos para sacar adiante o Plan de Vivenda 2009-2012
- O IGVS destinará dous millóns de euros a subvencións destinadas a adquirentes de vivendas ao abeiro do Plan de Vivenda en 2010
- Feijóo anuncia 30 millóns de euros en convenios cos concellos para que os 4.000 parados sen prestación económica nin subsidios complementarios accedan a un posto de traballo
- Archivado en: | Construcción |
- Si te gusta este blog puedes suscribirte a my rss feed!
