-
15
Jul
2010
O operario falecido atopábase co seu irmán descargando material cando foi atropelado por unha elevadora
A federación da Construción da Confederación Intersindical Galega denuncia a morte dun traballador de Porriño en accidente laboral o pasado luns día 12, coincidindo coa celebración da festividade local de San Bieito. A central nacionalista vén alertando das condicións laborais que padecen os traballadores/as do sector, especialmente no contexto da crise económica.
O falecemento de Santiago Amorín Da Costa, de 48 anos de idade e veciño da parroquia de Torneiros, produciuse pouco antes das 11 da mañá nas instalacións da compañía en Atios. A mala sorte quixo que o seu propio irmán o atropelase cunha carretilla elevadora ao dar marcha atrás cando os dous cargaban tubos de grandes dimensións nun camión.
O suceso tivo lugar cando a localidade celebraba as súas festas patronais na honra de San Bieito, polo que ese día era festivo local. A empresa abriu as súas portas igualmente, e incluso continuou coa actividade pola tarde, horas despois do accidente laboral que lle custou a vida a un dos seus empregados.
Dende a CIG-Construción aseguran que non era a primeira vez que os traballadores acudían a traballar en día festivo e lembran nese sentido que “o tema das horas extras era unha vella loita”. Consideran especialmente grave que o accidente laboral se producise en día festivo, porque “esta persoa atopou a morte cando debería de estar na súa casa coa familia”.
Finalmente, denuncian as condicións laborais que padecen moitos traballadores/as do sector, que se agudizan como consecuencia da situación de crise económica.
Campaña de denuncia
A federación da Construción da CIG está a desenvolver nos últimos meses unha campaña para denunciar precisamente os abusos que as compañías do sector cometen cos traballadores, impoñendo unhas xornadas laborais abusivas e recortando, os salarios e incumprindo a normativa en materia de seguridade laboral.
No caso das obras do AVE de Vigo, un dos exemplos máis recentes, as adxudicatarias tiveron que contratar a máis de 90 traballadores unicamente despois de ter que regular a xornada tras as denuncias do sindicato. A CIG tamén realizou accións de protesta nas obras de ampliación dos aeroportos de Santiago e Vigo, así como na construción do auditorio municipal da cidade olívica.
Fonte: CIG
Comentarios: 0 Comentarios
Quizás también te interese:
- FECOMA-CC.OO. denuncia ante la Inspección de Trabajo el último accidente laboral mortal en Madrid
- Lugo é a provincia coa maior redución porcentual dos accidentes laborais mortais
- Durante los seis primeros meses del año, han muerto 146 trabajadores en la construcción
- La construcción deja 177 muertos en jornada laboral por accidente en 2009
- Un traballador resultou ferido grave ó caer desde un andamio con una altura de 2 metros
- Archivado en: | Trabajo |
- Si te gusta este blog puedes suscribirte a my rss feed!

