O conselleiro de Economía e Industria, Javier Guerra Fernández, vén de presentar o Servizo de Apoio ao Autónomo, unha iniciativa que xorde como resposta a unha necesidade manifestada polas organizacións de autónomos, preocupadas pola especial fraxilidade que presenta este colectivo ante a situación económica actual. O servizo centralízase na plataforma web AutónomosGalicia.org.

Este servizo ten como obxectivo satisfacer as necesidades das persoas emprendedoras en materia de asesoramento, formación e información, de xeito que contempla accións dirixidas a autónomos, técnicos e asociacións de autónomos. Pon a disposición deste colectivo publicacións específicas como a Guía Básica do Autónomo e os Cadernos do Autónomo, unha serie da que actualmente xa se publicaron cadernos sobre os Instrumentos Básicos de Financiamento, Fiscalidade, A Xestión de Tesouraría, Comunicación e Técnicas de Venda, Merchandising Visual e Contratos Mercantís.

O servizo prestarase a través das asociacións de autónomos e da plataforma Web http://www.autonomosgalicia.org, na que os usuarios poderán atopar as devanditas publicacións, e tamén guías de oportunidades de negocio, manuais prácticos de xestión, modelos de plan de negocio, un mapa de Galicia onde aparecen os recursos de asesoramento de cada concello, unha base de datos de axudas e subvencións, un apartado de consultas, un calendario de eventos e un boletín de noticias.

Esta iniciativa tamén inclúe un plan de formación de carácter xeral e de carácter sectorial, orientado a mellorar a formación específica deste colectivo, unha petición que vén sendo habitual entre as asociacións de autónomos

Fonte: Sociedade da información

Quizás también te interese:

• Autónomo de la construcción de Chiclana sigue su marcha a Madrid para pedir a Zapatero que se negocien sus deudas
• Plan piloto para fomentar o uso da enerxía fotovoltaica nas cubertas dos parques empresariais de Pontevedra
• Computadores novos para os autónomos do Salnés afectados polas inundacións
• Sobre a lei que regulará a xestión da enerxía eólica en Galicia
• Política Territorial dará apoio técnico e financeiro ao Concello de Ourense para revisar o Plan Xeral logo de ser anulado polo TSXG